Foyer Chrétiens des jeunes Gens Antsahamanitra
BP: 771 - 101 Antananarivo MADAGASCAR
Tel: (+261) 32 65 810 85
international@scout.mg
Vaovaon'ny Tily Eto Madagasikara
Anisan'ny ampisehoana ny fahaveloman'ny fikambanana ny fisian'ny hetsika rehetra ao aminy.
Hankalaza ny faha-90 taona niorenany ny Tily Eto Madagasikara amin'ny taona 2014 ho avy iny koa aoka hiomana amin'izany sahady isika rehetra.
Eo am-piandrasana izany dia ireto ny vaovao mahakasika ny Tily Eto Madagasikara izay tsara ho fantatra:
SOS Tily any amin'ny faritra Atsimo
Araka ny iarahantsika mahalala dia maro ireo iharam-boina noho ny nandalovan'ny rivo-doza Haruna tany amin'ny faritra atsimon'i Madagasikara. Maro araka izany koa ireo skoto sy Tily namana misedra olana noho ny nandalovan'io rivo-doza io.
Mikasika izany indrindra ny hafatra avy amin'ny Foibe Tily izay azon'ise vakiana eto amin'ity rohy ity.
Tendro 2013
Hotanterahina any Ambatondrazaka, Faritra Alaotra Mangoro amin'ny volana Aogositra ho avy izao ny TENDRO 2013. Amin'io Tendro io no hanehoan'ny Mpikambana Tily ny vokatry ny fanabeazana narahiny ka hiatrehan'izy ireo Lalao Fifaninanana Nasionaly isan-tsampana.
Efa miomana ho amin'izany sahady ny rehetra na ny Lovitao, na ny Tily Maitso, na ny Mpiandalana, na ny Menafify. Hivoaka miandalana eto ny vaovao tsara ho fantatra mikasika izany.
Mankalaza ny Jobily faha-25 taonany ny Menafify
Nosokafana tamin'ny Asabotsy 23 Febroary 2013 teo ny fankalazana ny Jobily faha-25 taonan'ny sampana Menafify. Ny Menafify moa no sampana manabe ireo Tily zokiny indrindra dia ireo tanora lehilahy 19 ka hatramin'ny 25 taona.
Fotoana hanovozana hery ho an'ny Menafify ity taom-pankalazana ity ka anentanana ireo Fivondronana izay tsy mbola manana Menafify mba hanangana izany. Maro ny hetsika hotanterahina mandritra ity taona ity. Ny ivon'ny fankalazana sy ny famaranana dia mandritra ny Tendro 2013 amin'ny fanatanterahana ny Lasin-jobily sy ny Foaran'ny Tetik'asa (FOTASA).
Vakio eto ny mahakasika ny Sampana Menafify manokana.
JAK 1 :22
Mba hahafahana mampiaina ny site web-ntsika, dia manentana antsika rehetra mba samy handefa ny vaovaom-pikambanana miaraka amin’ny sary, na ny video mirakitra ny zava-misy any amin’izay misy antsika rehetra any:
Alefaso amin’ny : international@scout.mg
24 - 31 Aout 2013
• Ravinala 84 any Antsohihy "Lapata" "Liva"
• Ravinala 85 any Bongolava "Tomoendry Malina" "Dadah"
• Ravinala 86 any Fianarantsoa "Fosa" Antalaha "Jabady"
• Ravinala 87 any Moramanga "Langaroka" & "Tsakaranta"
• TP3 Nov 2013 (Toussaint) Antananarivo "Hasina" "Ampaha"
11/05/2013: Ouverture Officiel “Messagers de la Paix” « Cœur de la Paix »
Fifaliana ho an’ny FOIBE TILY ETO MADAGASIKARA ny manasa antsika rehetra hanatrika ny fotoam-panokafana ofisialy ny “Messagers de la Paix” sy ny “Coeur de la paix” ho santatry ny Herinandron’ny Tily. Izany dia hatao eny amin’ny zaridainan’Andohalo ny Asabotsy 11 Mai 2013 manomboka amin’ny 10 ora maraina ary mifarana amin’ny 4 ora hariva.
Ny fandaharana dia toy izao:
- Fotoam-bavaka
- Fandraisam-pitenenan’ny Manampahefana
- Fanokafana ofisialy
- Korana hataon’ny Beazina sy ny Mpanabe
- Fanatanjahan-tena SCOUTING BALL fifaninanana isam-paritany
Ireo dia anasana ny Komitim-pivondronana sy ny Ray amandreny, sakaiza indrindra fa ireo Beazina miaraka amin’ny Mpiandraikitra.
Manantena ny fanontronanareo ny Tily Eto Madagasikara
08/03/2013: Hetsika Nasionaly
08/03/2013 : Journée de la Femme
13/03/2013 : Journée Africaine du Scoutisme
23 Avril 2013 : St George
Mars 2013 : Alahadin’ny Farimbona
11 - 18 Mai 2013 : Herinandron’ny Tily
11 Mai 2013 - Ouverture Officiel MOP | CdP - Jardin Andohalo 10 Heure
Aout 2013 : Tendro
Aout 2013 : Fifiti any Alaotra